A XV edición de Santiago (é) Tapas está a ser unha das máis exitosas dos últimos anos, caracterizada tanto polo alto nivel dos petiscos presentados a concurso como pola alta participación de público que están a rexistrar os establecementos.

Así o pudo constatar o director da Axencia Galega da Calidade Alimentaria, José Luis Cabarcos, que acompañou nunha das (é)TAPAS ao xurado profesional avaliando as propostas a concurso de varios locais, entre eles o Botafumeiro, onde aproveitou para intercambiar impresións co seu cociñeiro sobre os produtos que Experiencias de Calidade está a repartir este ano entre todos os participantes do certame cunha gran acollida.
Trátase dun welcome pack cunha coidada selección de produtos certificados como grelos, queixo, Tarta de Santiago, fabas de Lourenzá, viños e licores, entre outros; todos eles cunha contraetiqueta propia da Denominación de Orixe ou da Indicación Xeográfica Protexida que avala a súa calidade, e que están tendo un gran éxito entre hostaleiros e cociñeiros.
A iniciativa pretende “que os profesionais do sector coñezan o produto galego con certificación de calidade”, e “poñelos en contacto cos propios produtores”, á vez que os sensibiliza de que “consumindo alimentos galegos con certificado de calidade axúdase aos produtores locais e contribúese a dinamizar o rural galego”.
O concurso, organizado por Turismo de Santiago en coordinación con Hostelería Compostela, amosa 29 tapas creativas e 32 tradicionais, que poden degustarse en 41 locais distribuídos en 5 (é)tapas diferentes, segundo a súa localización, e tres rutas especiais: Sen Glute, Vexetariana e Doce, con agasallos directos por cada etapa finalizada, atopándose tamén entre os máis de 200 agasallos dispoñibles para o público, numerosos produtos con certificado de calidade achegados por Experiencias de Calidade, como botes de IXP Grelos de Galicia, lotes de IXP Mel de Galicia premiadas, lotes de queixos DOP Cebreiro, DOP Arzúa-Ulloa, DOP San Simón dá Costa e DOP Queixo Teto; lotes de IX licores e augardentes, IXP Tartas de Santiago, lotes de viños da DO Ribeiro, DO Ribeira Sacra, DO Valdeorras, DO Rías Baixas, DO Monterrei e das IXP Barbanza e Iriam Betanzos, Valdo Miño Ourense, Ribeiras do Morrazo e Terras do Navia, packs de produtos de artesanía alimentaria ou receitarios e guías de viños.
A eles súmanse outros moitos agasallos como noites en aloxamentos, bonos para festivais, entradas a espectáculos, actividades de benestar, libros asinados ou ceas experiencia, sen olvidar os abonos dobres para toda a tempada do Obradoiro CAB que conseguen os que completan as 5 (é)TAPAS.
O concurso, organizado co apoio da Deputación da Coruña e o patrocinio de Estrella Galicia, conta coa colaboración de entidades e empresas coma Cash Record, Café Dromedario, Ponte da Boga, Experiencias de Calidade (Agacal), Etiqueta Negra, Recorda Fest, Alda Hotels, Mercado Boanerges, Garfo e Coitelo, AwaSan, Fisioterapia Esteban Vagni, Curves, CRDO Ribeira Sacra, CRDO Ribeiro, Pedras de Santiago, entre outras.

Máis info en https://experienciasdecalidade.gal/es