O XII Santiago(é)Tapas, o concurso de tapas de Santiago, é un evento organizado pola Asociación Hostalaría Compostela, promovido por Turismo de Santiago, co apoio da Deputación de A Coruña, e o patrocinio de Mahou. Tamén colaboran Cash Record, Coca Cola, Finca Viñoa e Aceites Abril; así como o festival de cine Cineuropa, a Asociación de Celíacos de Galicia, o movemento Slow Food e Utimaq. 

Os obxectivos principais deste certame son incentivar a cultura gastronómica, dinamizar á cidade nun mes tradicionalmente de menor afluencia turística e amosar a calidade e o bo facer dos nosos hostaleiros e hostaleiras.

Durante o concurso, que se celebra do 14 de novembro ao 1 de decembro, o público pode gozar das tapas dos locais, que están agrupadas en varias (é)tapas que recordan aos diferentes camiños de Santiago. Ademais, pode votar as tapas dos locais participantes cubrindo os pousavasos que reciben coa consumición. Un xurado profesional seleccionará as 10 mellores tapas que pasarán a unha gran final os días 6, 7 e 8 de decembro.

Paralelamente, e tamén do 14 de novembro ao 1 de decembro, celébrase o I Santiago(é)Cóctel, un concurso de cócteles organizado pola Asociación Hostalaría Compostela.

Nas redes...

Instagram

Este mensaje de error solo es visible para los administradores de WordPress

Error: el token de acceso para santiagoetapas no es válido o ha caducado. El feed no se actualizará.

Hay un problema con el token de acceso de Instagram que estás utilizando. Por favor, obtén un nuevo token de acceso en la página de ajustes del plugin.